شقة الهلاك الفصل الرابع

(ذلك الصادق الذي يقع بين تلال الكذب نور صدقه سيظهر للعلن، تألم كثيراً و لكن الخلاص قريباً)

_______________________

(الفصل الرابع)

_بصي يا مروى أنا طلعت لنور بعد ما البواب قالي إن خطيبتي جت فوق لما طلعت لقيت تقى بصالي بشر و حاسيتها مش ناوية على خير و قعدت أهديها و أقولها ننزل تحت و نتفاهم بس هي مرضيتش و بعدين مسكت السكينة و مسكتهالي في أيدي و خبطت نفسها بيها قعدت لحظة مش فاهم الي حصل بس مفهمتش غير لما لقيتها واقعة على الأرض و نور بتصرخ لفيت وشي لنور و كانت قريبة مني كنت عايز أقولها متخافيش أنا جمبك و كل دة كابوس بس ملحقتش لان ااا

_ااية كمل !!

_تقى زقتني على نور و السكينة جت فيها

_نعم !!!يعني كل دة غصب عنك

_دة الي حصل نور وقعت على الأرض و تقى كانت بتضحك رغم الدم الي نازل من بطنها و بعد شوية جريت عشان حد يلحق نور و بعد ما الناس أتجمعت في الشقة فوق طلعت و لقيت نور مقطعة شراينها مصدقتش إنها ممكن تكون أنتحرت

_نور كانت بخير لما نزلت

_اة كانت في وعيها و كنت هلحقها كانت هتستحمل عقبال ما نوصل للمستشفى مستحيل تكون أنتحرت فية حد عمل كدة

_و تقى كانت عاملة أزاى بعد ما طلعت

_مركزتش معاها بس كان نفسي أقتلها

_أزاى متقولش الكلام دة للشرطة

_قولت بس كلامي جمب البصمات مجبش نتيجة الي خفف عني شوية إن تقى عايشة و مشتكتش عليا و مقالتش إن أنا الي خبطها بس قالت إن نور ممكن تكون أنتحرت فعلاً و الى خبطها مش فاكرة شكلة و أنا يدوبك خبط نور و كان جرح سطحي مكنش هيسبب الوفاة

_تفتكر مين اللي عمل كدة

_مش عارف

_طب تقى مسألتهاش هي لية عملت كدة

_طبعاً سألتها و قالتلي إنها كانت عايزة تحسسني بتأنيب الضمير و قولتلها إن هى الي قتلت نور بس قالت أنا زقيتك عليها بس و الباقي معرفوش

_خالد أنا مبقتش عارفة مين الي بيكدب فيكوا تقى قالتلي كلام عكس دة تماماً

_و أنا متأكد من دة أكيد مش هتقولك أنا الي مسكتة السكينة و عورت نفسي و زقيتة على نور كمان

_بس قالتلي أنت الي قطعت شراينها

_تقول الي تقولة أنا مش فارق معايا كلامها و الي قتل حولها لقضية أنتحار واضح إن كل حاجة غلط قدام الناس بس أنا و تقى عارفين الحقيقة

_بس فية كارت ناقص و هو مين الي قتل نور

_معرفش صدقيني

_يعني متأكد إنها منتحرتش

_مستحيل